UM Coach ولا UM Fitness؟ دليل الكوتش والعميل
اعرف الفرق بين تطبيق UM Coach للكوتش وUM Fitness للعميل، وخطوات دعوة عملاءك، واختيار تطبيق باسمك على App Store وGoogle Play.
5 دقايق قراية · · فريق UM
UM Coach للكوتش عشان يدير عملاءه وخططه ومتابعته. UM Fitness للعميل عشان يفتح برنامجه ويسجل تقدمه ويبعت التشيك إن. الاتنين جزء من حساب UM؛ العميل محتاج دعوة من كوتشه.
الكوتش ينزّل إيه؟
نزّل UM Coach من App Store أوGoogle Play، وادخل بحساب الكوتش. افتح متابعة اليوم وراجع العملاء المحتاجينك. الداشبورد على الويب متاح لو تفضّل تجهيز البرامج من شاشة أكبر؛ اختيار الموبايل أواللابتوب يرجع لطريقة شغلك.
العميل ينزّل إيه؟
ابعت للعميل دعوة حسابه ولينك UM Fitness. وضح له إن حساب الكوتش مختلف عن حساب العميل، وإنه يدخل بنفس البريد اللي اتبعتت عليه الدعوة. لو عندك تطبيق ببراندك، ابعت لينكه بدل التطبيق العام.
- ابعت لينك المتجر المناسب للموبايل، مع اسم التطبيق بوضوح.
- اطلب من العميل يكمل بياناته ويشوف أول تمرين وخطة الأكل.
- حدد موعد أول تشيك إن، ووضح له فين يبعته.
- اتأكد إنه عارف وسيلة التواصل معاك لو احتاج مساعدة.
إمتى تختار أبلكيشن باسمك؟
لما اسم البراند يبقى جزء أساسي من تجربة عميلك، ناقش التطبيق الخاص مع الفريق. جهّز الاسم واللوجو والألوان، وحدد مين مسؤول عن مراجعة المحتوى. اتفق على نطاق التنفيذ والسعر وخطوات النشر قبل ما تعلن لعملاءك عن موعد الإطلاق.
التحميل غير اشتراك التدريب
تحميل التطبيق مجاني للعميل. قيمة التدريب والباكدج ومدتها بتتحدد بينك وبين عميلك. اشتراكك في المنصة منفصل، حسب باقة حسابك. التشيك إن والمجتمع والتحديات ودعم فريق UM موجودين في كل باقات المنصة؛ المجاني فيه AI محدود جدًا، و8 لغات واستيرادPDF والتكاملات محتاجة باقة مدفوعة.
جهّز رسالة ترحيب واحدة فيها: اسم التطبيق، لينك التحميل، بريد الدخول، أول مهمة، وموعد التشيك إن. كده العميل يعرف يبدأ من غير سلسلة رسائل طويلة.
آخر تحديث:
